Элсэлт

Сургалтын онцлог, давуу тал

Анагаахын болон Сувилахуйн чиглэлээр дагнасан сургалтыг 27 жил тасралтгүй явуулж байгаа анхны хувийн хэвшлийн Сувилахуйн сургууль юм. Манай сургууль нь Бакалаврын болон дэд бакалаврын зэрэгтэй эрүүл мэндийн 12 чиглэлээр боловсрол олгодог. Төгсөгчдийн 95% -аас дээш хувь нь суралцах хугацаандаа ажлын байртай төгсдөг. ЭДС-ийн үндсэн мэргэжлээр суралцах хугацаандаа Сургалтын төвийн туслах сувилагч 3 сар, УАУ-ны эмчилгээний бариа засалч мэргэжлээр 3 сар, Эмнэлгийн тоног төхөөрөмж ашиглалт 3 сар, Үсчин, гоо сайханч 6 сар хос мэргэжлээр суралцаж ХНХЯ чадамжийн үнэмлэхтэй төгсөх ба ЭЕШ-нд тэнцсэн тохиолдолд ЭДС-ын үндсэн мэргэжилд дэвшин суралцах /2,5 жил/ боломжтой.
ЭДС нь сургалтаа цаг хугацаа, орон зайг үл хамааран тасралтгүйгээр орчин үеийн тоног төхөөрөмжөөр бүрэн хангагдсан тохилог ээлтэй орчинд суралцахуун үр дүнд суурилсан уян хатан байдлаар танхим, цахим хосолсон хэлбэрээр явуулж байна.
Нийт 5000 гаруй төгсөгчдийн 98% мэргэжлээрээ Монгол орны өнцөг булан бүрд, анхан болон бүх шатлалын эмнэлгүүд, хувийн хэвшлийн /Грандмед, Интермед, Сонгдо г.м/, өрх, сум, багийн салбар эмнэлгүүд, рашаан, сувилал, Ерөнхий боловсролын сургууль, цэцэрлэгүүд, хөнгөвчлөх тусламж үйлчилгээний төвүүдэд амжилттай ажиллаж байна.
Сургалтын хөтөлбөр тус бүрд Эрүүл мэндийн тусламж үйлчилгээний стандартад тулгуурласан орчин үеийн тохилог дуураймал орчин бүхий эмнэл зүйн төв, кабинет, лаборатори, анги танхимтай.
Номын сан, спорт заал, оюутны байр бүгд хичээлийн байртайгаа нэг дор байрладаг.
ЭДС нь оюутны хөгжлийн албанаас эрдэм судлал-судлаач, олон нийтийн нийгэмд чигэлсэн ажил, цалинтай цагийн ажилд зуучлах, ЭМДаатгалд хамруулах оношилгоонд хамруулах урлаг спортын олон талт арга хэмжээг зохион байгуулдаг. Улирал тус бүрд төлөвлөж оюутны бие хүн, бие бялдрын хөгжлийг дэмжин ажилладаг.
ЭДС нь хөтөлбөр тус бүрд мэргэжлийн мэргэшсэн магистр ба түүнээс дээш зэрэг цолтой эрдэмтэн багш нартай бөгөөд 30%-г докторын зэрэгтэй багш нар эзэлдэг.